თურქეთის ოპოზიცია რეფერენდუმის შედეგების გასაჩივრებას აპირებს

თურქეთის ოპოზიცია საკონსტიტუციო ცვლილებებთან დაკავშირებით რეფერენდუმის შედეგების გასაჩივრებას აპირებს.

აღნიშნულის შესახებ ოპოზიციური „სახალხო რესპუბლიკური პარტიის“ თავმჯდომარის მოადგილე ერდალ აქსიუნღერიმ განაცხადა.

ამ მომენტისთვის ბიულეტენთა 99,99%-ის დამუშავების შემდეგ, კონსტიტუციაში ცვლილებების შეტანის მომხრეები იმარჯვებენ. კონსტიტუციაში ცვლილების შეტანას ამომრჩეველთა 51,34% უჭერს მხარს.
– საარჩევნო უბნების 37%-თან დაკავშირებით ჩვენ გვაქვს პრეტენზიები, თუმცა ჯერ ყველა ბიულეტენი დამუშავებული არ არის და პრობლემური საარჩევნო უბნების რაოდენობა შესაძლოა 60%-მდე გაიზარდოს, – აღნიშნა ერდალ აქსიუნღერიმ.

რეფერენდუმის შემდეგ თურქეთში ასეთი ცვლილებები განხორციელდება:

1. პრეზიდენტს უფლება ეძლევა პირდაპირ დანიშნოს უმაღლესი სახელმწიფო თანამდებობის პირები, მათ შორის მინისტრები.

2. მას უფლება ეძლევა დანიშნოს ერთი ან რამდენიმე ვიცე-პრეზიდენტი.

3. უქმდება პრემიერ-მინისტრის თანამდებობა.

4. პრეზიდენტს უფლება ექნება ჩაერიოს სასამართლო სისტემის საქმიანობაში.

5. პრეზიდენტი გადაწყვეტს, გამოაცხადოს თუ არა ქვეყანაში საგანგებო მდგომარეობა.

საკონსტიტუციო ცვლილებების კრიტიკოსები შიშობენ, რომ ცვლილებები ერთი ადამიანის – პრეზიდენტის ხელში აქცევს მთელს ძალაუფლებას. მათივე ვარაუდით, ერდოღანის მჭიდრო კავშირი იმ პოლიტიკურ პარტიასთან, რომლის ერთ-ერთი თანადამფუძნებელიც თავად არის, გამორიცხავს პრეზიდენტის არაპარტიულობასა და მიუკერძოებლობას.

დატოვეთ თქვენი კომენტარი

პოლიტიკა

საზოგადოება

ეკონომიკა

სამართალი

მსოფლიო

მოზაიკა

მედიცინა

კულინარია

akhalitaoba.ge © 2017-2018