ადვოკატ მარიამ ცუცქირიძის ინფორმაციით, მაია რჩეულიშვილს უფლება მიეცემა, მეუღლის პანაშვიდს და დაკრძალვას დაესწროს.
როგორც ცუცქირიძემ „ინტერპრესნიუსს“ განუცხადა, შესაბამის მიმართვაზე სასჯელაღსრულების სამინისტროსგან ოფიციალური ინფორმაცია არ მიუღიათ, თუმცა ოჯახის წევრებთან საუბარში უწყების მხრიდან ასეთი მზაობა დაფიქსირებულია, ამასთან, ამას ითვალისწინებს კანონმდებლობაც.
– ოფიციალურ პასუხს, ბუნებრივია, ვერ მივიღებდით. ძალიან ცუდად დაგვემთხვა. ძირითადად სულ დასვენების დღეებია, მაგრამ არაოფიციალურად, ოჯახის წევრებთან საუბრიდან ვიცით, რომ როგორც კანონი ითვალისწინებს ამას, რაღაც გარკვეული პერიოდით, რა თქმა უნდა, მიეცემა საშუალება, დაესწროს პანაშვიდს და დაკრძალვას. ზუსტად საათების რაოდენობა – რა დროს გამოუშვებენ, რამდენი ხნით და ა.შ., ეს დეტალები, სამწუხაროდ, არ ვიცით, – განაცხადა ცუცქირიძემ.
შეგახსენებთ, რომ ვახტანგ რჩეულიშვილი გუშინ გარდაიცვალა.