“ცეკვავენ ვარსკვლავების” მეშვიდე სეზონის ფინალისტი, ირაკლი მაქაცარია. სოციალურ ქსელში პოსტს აქვეყნებს. სადაც მის ყოფილ მეტოქეებზე, მეწყვილეზე და ზოგადად პროექტის შესახებ წერს.
– ჩემო უსაყვარლესებო!
პირველ რიგში მინდა ბახუტას და ჯულიანას მივულოცო გუშინდელი გამარჯვება, ისინი მთელი სეზონის მანძილზე ნამდვილად დაუღალავად შრომობდნენ და ენერგიას არ იშურებდნენ იმისთვის რომ მაყურებლისთვის მიენიჭებინათ ის სიამოვნება რასაც სცენაზე წარმოადგენდნენ! თქვენ ნამდვილად ღირსეული მეტოქეები იყავით ჩვენთვის (მხოლოდ სცენაზე).
მინდა სათითაოდ თითოელ თქვენთაგანს უსაზღვრო პატივისცემა, სითბო და სიყვარული გამოგიხატოთ იმ შეგრძნებებისთის, იმ ენით აღუწერელი ემოციისთვის, რასაც თქვენგან ვგრძნობდით. როგორ განიცდიდით თითოეულ ჩვენ ნაბიჯს, სუნთქვას და ემოციას. პირველივე დღიდან არ გვაძლევდით მოდუნების საშუალებას და მუდმივად გვიბიძგებდით იმისკენ, რომ უფრო მეტი გაგვეკეთებინა და გავმხდარიყავით იმაზე უკეთესები, ვიდრე ვიყავით გუშინ. ხალხის სიყვარულზე დიდი საჩუქარი ადამიანისთვის არ არსებობს არაფერი და ჩვენ ეს მთელი არსით შევიგრძენით. ამ პროექტმა უდიდესი ცხოვრებისეული გამოცდილება, უსაყვარლესი ადამიანები და ბევრი ჩემთვის დაუვიწყარი ცეკვის ემოცია შემძინა, რომელიც ყოველთვის ულამაზეს ცხოვრების პერიოდად დაგვრჩება.
ჩემს იდეალურ პარტნიორს რაც შეეხება, ის მსოფლიო დონის ნებისმიერ მოცეკვავეზე მაღლად დგას ჩემთვის 1.000.000 -თავით. ბედნიერი ვარ, რომ მქონდა პატივი შენ გვერდით ვმდგარიყავი სცენაზე და რაც ყველაზე მთავარია, უბრალოდ ბედნიერი ვარ, რომ შენნაერი ადამიანი გაჩნდა ჩემს ცხოვრებაში, შენ საუკეთესო ხარ!
უბედნიერესი ვარ, რომ მყავს ისეთი ოჯახი და მეგობრები, რომლებიც ყველაზე მეტად მიყვარს მთელს დედამიწის ზურგზე. ჩემი ამ პროექტში შესრულებული ყველა ცეკვა გეძღვნებათ თქვენ და რაც მთავარია, ჩემს უთბილეს ბებია-ბაბუებს, რომლებიც ზუსტად ვიცი, რომ ყველაზე ბედნიერები იქნებოდნენ, გუშინ დარბაზში რომ ყოფილიყვნენ.
P.S. მადლობა ცეკვავენ ვარსკვლავების და „იმედის“ მთელს გუნდს, რომ ქმნით ესეთ გრანდიოზულ და დაუვიწყარ მეგა პროექტებს! – აღნიშნავს ირაკლი მაქაცარია.