მესტიაში სტიქიას ებრძვიან. მდინარეების ენგურის, კოლხურას, დოლურას და მესტიაჭალას ადიდების შედეგად, წაღებულია გზები და ხიდები. ადგილობრივები სასმელი წყლის გარეშე არიან დარჩენილი.
გარდა ამისა, მდინარე ენგურის ადიდების გამო მშენებარე ჰესი მესტია- ჭალა 1 დაზიანდა.
როგორც “ნიუპოსტს” „საქართველოს განახლებადი ენერგიის კომპანიიდან” აცნობეს, ჰესი სამშენებლო სამუშაოებს უახლოეს დღეებში გააგრძელებს.
– მესტიაში უხვმა ნალექმა მდინარეების, მათ შორის ენგურისა და მესტიაჭალას ადიდება გამოიწვია, რის შედეგადაც მესტია-ჭალა 1 ჰესის სამშენებლო მოედნის ნაწილი დაიტბორა.კომპანიის მხრიდან ოპერატიული რეაგირება მოხდა. ამჟამად სამშენებლო მოედანზე წყალი იკლებს და სიტუაცია კონტროლს ექვემდებარება. ჰესის სამშენებლო სამუშაოები უახლოეს დღეებში გაგრძელდება, – აცხადებენ კომპანიაში.