ყაჩაღობა მოხდა თბილისში. ვაკეში, მარუხის გმირების ქუჩაზე შეიარაღებულმა პირებმა ოჯახი დააყაჩაღეს. ამის შესახებ “პირველს” შს სამინისტროს პრესსამსახურის წარმომადგენელმა უთხრა.
არსებული ინფორმაციით, სახლიდან წაღებულია თანხა.
ფაქტზე გამოძიება სისხლის სამართლის კოდექსის 179-ე და 236-ე მუხლებით მიმდინარეობს, რაც ყაჩაღობასა და ცეცხლსასროლი იარაღის უკანონო შეძენა-შენახვა-ტარებას გულისხმობს. დანაშაული 8-დან 12 წლამდე ვადით თავისუფლების აღკვეთას ითვალისწინებს.