ნიუ-იორკში აფეთქება მოხდა.
როგორც დასავლური მედია იტყობინება, აფეთქება ადგილობრივი დროით 6:30 საათზე თაიმ სქუერთან, მანჰეტენის ავტობუსების სადგურთან Port Authority -თან მოხდა. მიმდებარე ტერიტორიიდან მეტროს სამი ხაზის ევაკუაცია განხორციელდა.
შემთხვევის შედეგად რამდენიმე ადამიანია დაშავებული. დაკავებულია ერთი ადამიანი.
ნიუ-იორკის პოლიციის დეპარტამენტის ხელმძღვანელის განცხადებით, აფეთქების გამომწვევი მიზეზები ჯერჯერობით უცნობია, განიხილება ტერაქტის ვერსიაც.
Port Authority აშშ-ის ყველაზე დიდი ავტობუსების სადგურია, რომელიც წლის განმავლობაში 65 მილიონ ადამიანს ემსახურება.
რით იყო გამოწვეული აფეთქება და აქვს თუ არა შემთხვევას კავშირი ტერორიზმთან, ამ ეტაპზე უცნობია.
მიმდებარე ტერიტორიაზე პოლიციამ ქუჩები გადაკეტა.