მტკვრის მარცხენა სანაპიროზე, დიდუბის ხიდის ქვეშ, მანქანა განათების ბოძს შეეჯახა.
“პირველის ” ინფორმაციით, შეჯახების შედეგად მანქანა ამოტრიალდა.
როგორც “პირველს” შსს -ში განუცხადეს, ავარიის შედეგად სამი ადამიანი დაშავდა, რომელთაგან ორის მდგომარეობა მძიმეა.
სამივე მათგანი სამედიცინო დაწესებულებაში გადაიყვანეს.
გამოძიება სისხლის სამართლის კოდექსის 276-ე მუხლის 1-ლი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს და ისჯება ჯარიმით ან შინაპატიმრობით ვადით ექვსი თვიდან ორ წლამდე, ანდა თავისუფლების აღკვეთით ვადით სამ წლამდე.