ბათუმში სამანქანო ხიდი ჩამოიშალა

ბათუმში, ფრიდონ ხალვაშის ქუჩაზე სამანქანო ხიდი ნაწილობრივ ჩამოიშალა. ინფორმაციას „აჭარის ტელევიზია” ავრცელებს.

ინციდენტის დროს არავინ დაშავებულა. მოქალაქეები ყვებიან, რომ ხიდი ამორტიზებული იყო. ერთი თვის წინ, სიტუაციის შესასწავლად ადგილზე სპეციალისტებიც იმყოფებოდნენ.

ფრიდონ ხალვაშის ქუჩის მეორე ჩიხში მცხოვრებლები ამბობენ, რომ ავტომობილით გადაადგილებას ვეღარ ახერხებენ. მათივე განმარტებით, საცხოვრებელ სახლებთან მისასვლელი, სხვა ალტერნატიული გზა არ არის.

შემთხვევის ადგილზე, ჯერ-ჯერობით, გადაადგილების ამკრძალავი ნიშნები არ დაუყენებიათ.  მოქალაქეებმა გზის აღნიშნულ მონაკვეთზე რამდენიმე დიდი ზომის ქვა დადეს.

იმედინიუსი

დატოვეთ თქვენი კომენტარი

პოლიტიკა

საზოგადოება

ეკონომიკა

სამართალი

მსოფლიო

მოზაიკა

მედიცინა

კულინარია

akhalitaoba.ge © 2017-2018