აშშ-ში, ფლორიდაში, ოჯახმა ეზოში, საცურაო აუზში 2.7-მეტრიანი ნიანგი იპოვა. ამის შესახებ Foxnews-ი წერს.
შემთხვევის ადგილზე პოლიცია და სამაშველო ჯგუფი გამოიძახეს.
სპეციალისტებმა მტაცებელი ე.წ. „კაუჭით” დაიჭირეს.
ამერიკაში ნიანგი საშუალოდ 3-დან 5 მეტრამდე იზრდება და წონამ შესაძლოა, 454 კილოგრამსაც კი მიაღწიოს.
აშშ-ში ნიანგების ყველაზე დიდი რაოდენობა ფლორიდასა და ლუიზიანაშია. თითო შტატში მათი რაოდენობა მილიონამდეა. ადგილობრივები ნიანგებს საკუთარ ეზოებში ხშირად პოულობენ. მსგავსი შემთხვევა 1 აპრილსაც მოხდა.
იმედინიუსი