დალი ფანჯიკიძე გარდაიცვალა

81 წლის ასაკში ცნობილი ქართველი მთარგმნელი დალი ფანჯიკიძე გარდაიცვალა.

თბილისის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტის დამთავრების შემდეგ, დალი ფანჯიკიძე უნივერსიტეტის გერმანული ენის კათედრის მასწავლებელი, შემდეგ დოცენტი, 1993 წლიდან პროფესორი და კათედრის გამგე იყო.

დალი ფანჯიკიძეს თარგმნილი აქვს თომას მანის „ბუდენბროკები“ და „ჯადოსნური მთა“, უ.პლეცდორფის „ახალგაზრდა ვ.–ს ვნებანი“, გოეთეს „პოეზია და სინამდვილე“; ჰერმან ჰესეს „ფიქრი და განსჯა“, გრიგოლ რობაქიძის ესე „ადოლფ ჰიტლერი უცხოელი მწერლის თვალით“ და სხვა.