გურჯაანის მუნიციპალიტეტის სოფელ კალაურში, საცხოვრებელ სახლში ახალგაზრდა მამაკაცი მოკლეს. “ინტერპრესნიუსის” ინფორმაციით, ახალგაზრდას სხეულის და თავის არეში ბლაგვი საგნით მრავლობითი დაზიანებები აქვს მიყენებული.
შემთხვევა გვიან ღამით მოხდა.
ადგილზე რამდენიმე საათია ექსპერტ-კრიმინალისტები მუშაობენ. მიმდინარეობს საგამოძიებო მოქმედებები.
შსს-ში აცხადებენ, რომ გამოძიება 108-ე, განზრახ მკვლელობის მუხლით დაიწყო. უწყების ცნობით, სავარაუდო ბრალდებულის დასაკავებლად მიმდინარეობს სამძებრო სამუშაოები.