„დილა მშვიდობისა საქართველო“ „რუსთავი 2-ის“ დილის ეთერს უკვე შაბათ-კვირასაც დაიკავებს. მაყურებელი უკვე უქმეებზეც შეძლებს უახლესი ინფორმაციის მიღებას, საინტერესო ადამიანების გაცნობას, ფსიქოლოგის რჩევების მიღებას, გემოვნებიანი მუსიკის მოსმენას, გემრიელი კერძების მომზადებას და ვარჯიშს.
განსაკუთრებული სიურპრიზი რუსთავი2-ის მაყურებლებისთვის იყო ის, რომ გადაცემის ერთ-ერთი წამყვანი სანდრო სანაიაა, რუსთავი2-ის პოპულარული ჟურნალისტის, 2001 წელს მოკლული გიორგი სანაიას შვილი.