ქალი, რომელიც დღეს Google-ს კუთვნილი კომპანიის, Youtube-ის სათაო ოფისს თავს დაესხა, მოკლულია. ინფორმაციას CNN-ი სამართალდამცველებზე დაყრდნობით ავრცელებს.
შემთხვევის შედეგად ოთხი ადამიანი დაიჭრა. სამის მდგომარეობა კრიტიკულად მძიმეა, მათგან ორი ქალი, ერთი კი კაცია.
შეტყობინება თავდასხმის შესახებ 911-ზე ადგილობრივი დროით დღის 12:46 საათზე შევიდა.
დაახლოებით ერთ საათში შენობიდან ევაკუაცია დასრულდა.
დაუდასტურებელი ინფორმაციით, თავდამსხმელმა ცეცხლსასროლი იარაღით თავი მოიკლა.
სამართალდამცველებს გაწეული და მიმდინარე სამუშაოებისთვის, Twitter-ის ოფიციალურ გვერდზე, მადლობა გადაუხადა აშშ-ს პრეზიდენტმა, დონალდ ტრამპმა.