თურქეთმა ისრაელის ელჩი ქვეყნიდან გააძევა

თურქეთის საგარეო საქმეთა სამინისტრომ ანკარაში ისრაელის ელჩი დაიბარა და მას დროებით ქვეყნის დატოვების რეკომენდაცია მისცა.
ამის შესახებ ინფორმაციას თურქული სააგენტო “ანადოლუ” ავრცელებს.

News Exicutive–ს ინფორმაციით, ისრაელის დიპლომატი თურქეთში პერსონა ნონ გრატად გამოაცხადეს და მას ქვეყნის დატოვება უბრძანეს.

არსებული ინფორმაციით, გადაწყვეტილება ისრაელისა და ღაზას სექტორის საზღვართან იმ შეტაკებას უკავშირდება, რომლის შედეგად 61 პალესტინელი დაიღუპა, და 3 ათასზე მეტი დაშავდა.

თურქეთში მომხდართან დაკავშირებით სამდღიანი გლოვა გამოცხადდა.

ისრაელში აშშ–ის საელჩოს ახალი შენობა, რომელშიც დიპკორპუსი თელ–ავივიდან გადავა, იერუსალიმში ორშაბათს საზეიმო ვითარებაში გაიხსნა. საელჩოს გადანაცვლება პრეზიდენტ დონალდ ტრამპის ინიციატივა იყო და ამ ღონისძიებას მისი შვილი ივანკა ტრამპი დაესწრო და სიტყვითაც მიმართა საზოგადოებას.

ამ ფაქტმა პალესტინელების შეშფოთება გამოიწვია, ვინაიდან ვაშინგტონის ამ ნაბიჯში პალესტინაზე ისრაელის სრული იურისდიქციის აღიარებას ხედავენ მაშინ, როდესაც თავად სურთ საკუთარი დედაქალაქის იერუსალიმის აღმოსავლეთ ნაწილში განთავსება.

პირველი

დატოვეთ თქვენი კომენტარი

პოლიტიკა

საზოგადოება

ეკონომიკა

სამართალი

მსოფლიო

მოზაიკა

მედიცინა

კულინარია

akhalitaoba.ge © 2017-2018