– ლომბარდებმა ადამიანების გაჭირვება გამოიყენეს,- ამის შესახებ ბიზნესმენი თემურ ჭყონია bm.ge-სთან აცხადებს.
ის ასევე ეხმაურება საქართველოს ეროვნული ბანკის მიერ დაწესებულ ახალ რეგულაციებს, რომლის მიხედვითაც კონკრეტულ პირებს სესხების აღებაზე შეზღუდვები უწესდებათ. ჭყონია ამბობს, რომ ამ შეზღუდვების შემოღებისკენ მთავრობას ერთი მხრივ, ლომბარდებმა და სხვა სესხის გამცემმა ორგანიზაციებმა, მეორე მხრივ კი, მოსახლების ფინანსურმა გაუნათლებლობამ უბიძგა.
– ერთი მხრივ, ლომბარდებმა ადამიანების გაჭირვება გამოიყენეს. მეორე მხრივ, გაჭირვებულ ადამიანებს თავისი უცოდინარობით, ეგონათ, რომ სახლს ჩადებდნენ და 5 ათას ან 10 ათასი დოლარად ბიზნესს დაიწყებდნენ, თუმცა, ეს თანხა ბიზნესს არ ჰყოფნის,- აცხადებს ჭყონია.
მისივე თქმით, სესხებზე ხელმისაწვდომობის შეზღუდვა სიტუაციას ვერ გამოასწორებს.