საქართველოს პარლამენტის ეზოს შესასვლელში ელექტროავტობუსი გაიჭედა. გიმნაზიისა და პარლამენტს შორის ასასვლელი გზა ამ წუთებში პარალიზებულია. ავტობუსი დელეგაციას ემსახურება, რომელიც საქართველოს პარლამენტში იმყოფება. ამის შესახებ მედიაცენტრი წერს.
პარლამენტში საქართველოში 2030 წლის მდგრადი განვითარების იმპლემენტაციის კონფერენცია იმართება, რომელშიც საპარლამენტთაშორისო კავშირის გენერალური მდივანი, მარტინ ჩუნგონგი და დელეგაცია მონაწილეობს.
აღსანიშნავია, რომ ეს პირველი ელექტროავტობუსია, რომელიც კომპანია “ფრეგობასმა” თბილისში შემოიყვანა და რომელიც ამ დრომდე საცდელ რეჟიმში ემსახურება მგზავრებს, ძირითადად თბილისის ტურების ფარგლებში.
კომპანიის პრეზიდენტმა მურმან პატარაიამ განაცხადა, ელექტროავტობუსი არ დაზიანებულა და არც ქუჩაზე არსებული მსუბუქი ავტომობილები დაუზიანებია.
თუ რამ გამოიწვია ავტობუსის გაჭედვა, უცნობია. შესაძლოა ამის მიზეზი, ელექტროავტობუსის გაბარიტები იყოს.