გარემოსდაცვითი ზედამხედველობის დეპარტამენტის ინფორმაციით, უწყებას ცაგერის მუნიციპალიტეტის სოფელ ზედა ორბელიდან მოქალაქემ შეატყობინა, რომ ტყის პირას დათვის ორი ბელი იპოვა.
_ გარემოსდაცვითი პატრულირებისა და სწრაფი რეაგირების განყოფილების თანამშრომლები მითითებულ ადგილზე დაუყოვნებლივ გავიდნენ და დაახლოებით 2-3 თვის ასაკის, საქართველოს წითელი ნუსხით დაცული მურა დათვის სახეობის ბელები იპოვეს, _ წერია უწყების მიერ გავრცელებულ განცხადებაში.
ბელები არ დაშავებულან და კარგად გრძნობენ თავს. დეპარტამენტის თანამშრომლებმა მურა დათვის ბელები ცაგერიდან თბილისში ჩამოიყვანეს და ზოოპარკს მიაბარეს.
ნეტგაზეთი