სპეცოპერაცია გლდანში – კომპანია „ალბატროსის“ ოფისში სამართალდამცველები, სავარაუდოდ, ნარკოტიკს ეძებდნენ

გლდანში კომპანია „ალბატროსის“ ოფისში სამართალდამცველები აჩხრეკას რამდენიმე საათის განმავლობაში ატარებდნენ.

ძალოვანი უწყების წარმომადგენლები კომპანიის ოფისში, სავარაუდოდ, მარიხუანას და სხვა ნარკოტიკულ საშუალებებს ეძებდნენ.

სამართალდამცავებს ჰქონდათ ინფორმაცია, რომ ოფისში მარიხუანას კულტივაცია ხდებოდა. მათ ნივთმტკიცებად სამი ძირი კანაფი ამოიღეს.

კომპანიაში ფიქრობენ, რომ ეს ყოფილი თანამშრომლის მიერ დაგეგმილი შურისძიებაა, რომელიც სამსახურიდან ცოტა ხნის წინ დაითხოვეს.

კომპანია ალბატროსის იურისტი, იასონ ბესელია აცხადებს, რომ ტერიტორია, საიდანაც მარიხუანა ამოიღეს მათ მფლობელობაში არ არის.

შსს-ს ინფორმაციით, მათ კომპანია ალბატროსის ოფისში ნარკოტიკული საშუალებების არსებობის შესახებ ინფორმაცია ერთ-ერთმა ჟურნალისტმა მიაწოდა. უწყებამ გამოძიება დაიწყო სისხლის სამართლის კოდექსის 265-ე მუხლით, რაც ნარკოტიკული საშუალების შემცველი მცენარის უკანონო კულტივაციას გულისხმობს.

დატოვეთ თქვენი კომენტარი

პოლიტიკა

საზოგადოება

ეკონომიკა

სამართალი

მსოფლიო

მოზაიკა

მედიცინა

კულინარია

akhalitaoba.ge © 2017-2018