რუსთავში 7 წლის გოგონა დაჭრეს – ვიდეო

რუსთავში 7 წლის გოგონა დაჭრეს - ვიდეორუსთავში, ლეონიძის ქუჩაზე, #14 კორპუსის მიმდებარე ტერიტორიაზე 7 წლის ბავშვი დაჭრეს. როგორც თვითმხილველები ყვებიან, მოზარდი ეზოში საბავშვო ატრაქციონზე თამაშობდა, როდესაც მას ტყვია შემთხვევით მოხვდა. ჭრილობა 7 წლის გოგონას მუცლის არეში აქვს მიყენებული. დაშავებულს ტყვია, სავარაუდოდ, პნევმატური იარაღიდან აქვს ნასროლი.

მცირეწლოვანი რუსთავის ცენტრალურ საავადმყოფოში გადაიყვანეს. “დაჭრილის მდგოამრეობა ამ ეტაპზე სტაბილურია. პაციენტს ყველა საჭირო სამედიცინო მომსახურება უტარდება. ჭრილობა აქვს მიყენებული პნევმატური იარაღით, მოხდა უცხო სხეულის ამოღება პაციენტის სხეულიდან”- განაცხადა ექიმმა დავით გოგოძემ.

როგორც შსს-ში “ინფო რუსთავს” განუცხადეს, გამოძიება 126-ე პირველი პრიმა მუხლით მიმდინარეობს, რაც არასრულწლოვანის მიმართ ძალადობას გულისხმობს. უწყების ცნობით ფაქტზე დაკავებული არავინ არ არის.

ინფორუსთავი