1 სექტემბერს 263.700 მართვის მოწმობას ვადა ეწურება

იურიდიულ საკითხთა კომიტეტმა განიხილა პარლამენტის წევრების გოგა გულორდავას, გიორგი ხატიძის და მერაბ ქვარაიას საკანონმდებლო ინიცაიტივით წარმოდგენილი კანონპროექტი „საგზაო მოძრაობის შესახებ“ საქართველოს კანონში ცვლილების შეტანის თაობაზე“.

კანონპროექტი ითვალისწინებს 2006 წლის 1 აპრილიდან 2014 წლის 1 მარტამდე საქართველოში გაცემულ „C“, „CE“, „D“, „DE“, „C1“, „C1E“, „D1“ და „D1E“ კატეგორიების (ქვეკატეგორიების) მართვის მოწმობების შეცვლის ვადის გადაწევას 2019 წლის 1 მარტამდე, ნაცვლად 2018 წლის 1 სექტემბრისა.

პარლამენტის წევრის, გოგა გულორდავას განმარტებით, არსებული კანონმდებლობით 2018 წლის 1 სექტემბერს ვადა ეწურება 263.700 მართვის მოწმობას. მომსახურების სააგენტოში არსებული რესურსით შეუძლებელია დარჩენილ 3 თვეში ამდენი მართვის მოწმობის შეცვლა. აქედან გამომდინარე გახდა საჭირო „საგზაო მოძრაობის შესახებ“ საქართველოს კანონის 62-ე მუხლის მე-2 პუნქტში ცვლილების შეტანა და ამ პუნქტით განსაზღვრული ვადის გადაწევა 2019 წლის 1 მარტამდე.

კომიტეტმა მხარი დაუჭირა წარმოდგენილ ცვლილებას.

კანონპროექტს პარლამენტი გამარტივებული წესით განიხილავს.

ბიემჯი

დატოვეთ თქვენი კომენტარი

პოლიტიკა

საზოგადოება

ეკონომიკა

სამართალი

მსოფლიო

მოზაიკა

მედიცინა

კულინარია

akhalitaoba.ge © 2017-2018