პორტუგალიის ნაკრებმა საკმაოდ დაძაბულ ორთაბრძოლაში მაროკოს ნაკრები დაამარცხა ანგარიშით 1:0. შეხვედრის ერთადერთი გოლი პორტუგალიელების მთავარმა ვარსკვლავმა კრიშტიანო რონალდუმ გაიტანა.
ეს მატჩის მე-4 წუთზე მოხდა. მაროკოელები საკმაოდ კარგად გამოიყურებოდნენ და მათ პორტუგალიის ნაკრების კართან არაერთი სახიფათო მომენტი შექმნეს, მაგრამ საბოლოოდ გოლის გატანა მაინც ვერ მოახერხეს.
ამ გამარჯვების შემდეგ პორტუგალიას 4 ქულა დაუგროვდა, ხოლო მაროკომ კი მეორე შეხვედრა წააგო და ტურნირს დაემშვიდობა.