უცნობმა ბიძინა ივანიშვილზე სკანდალური სიმღერა დაწერა – “გული მტკივა ძაან მაგრად”

მსახიობი და მომღერალი გია გაჩეჩილაძე, იგივე უცნობი, ბოლო დროს ტელეეთერით იშვიათად ჩნდება. ბოლოს ის მისი სიძის გარშემო განვითარებული მოვლენების გამო გააქტიურდა, თუმცა, როგორც ჩანს, პრობლემები მოაგვარა და პოლიტიკურ თოქ-შოებში აღარ გამოჩენილა.

რაც შეეხება სიმღერას, ის იშვიათად წერს ახალ სიმღერებს, ამჯერად კი აშკარაა, მუზა მოუვიდა და ჩაწერა სიმღერა “აუ, აუ”, რომელიც “საზოგადოებრივი მაუწყებლის” ერთ-ერთ პროექტში შეასრულა.

სიმღერას პოლიტიკური შინაარსი აქვს, ის მღერის ბასიანის, გალერის და ქვეყანაში მიმდინარე სხვადასხვა პროცესის გარშემო განვითარებულ მოვლენებზე.

გიორგი გაჩეჩილაძეს არც მცურავი
ხეები დარჩენია ყურადღების მიღმა და ახალ სიმღერაში ხეებზეც იმღერა.
მან ბიძინა ივანიშვილს დრუიდი კაცი უწოდა. სიმღერის ტექსტის მიხედვით, დრუიდმა კაცმა ფლორა და ფაუნა დაიმორჩილა და სწორედ ამით გაიწმინდა აურა.

ბუნებრივია, ამ სიმღერას სოციალურ ქსელში დიდი გამოხმაურება მოჰყვა.

უცნობს ზოგი უწონებს სიმღერას, ზოგი პირიქით.

“დრუიდი კაცი – ბიძოს ახალი კლიჩკა”, “რასაც მღერის, ყველაფერს თვითონ უწყობდა ხელს”, “აუ, აუ კარგია და მართალი სიტყვებია “, “რა გინდოდა პოლიტიკაში, გემღერა, ლამის ყველა სიმღერა ჰიტი გქონდა, ხალხს უფრო ეყვარებოდი”, – წერენ კომენტარებში.

შეგახსენებთ, რომ ბიძინა ივანიშვილსა და უცნობს ნათესაობაც აკავშირებთ, უცნობი გვანცა ივანიშვილის ნათლიაა. თუმცა, როგორც სხვადასხვა შოუში გია გაჩეჩილაძე ყვება, 20 წელია, მას და ივანიშვილებს კონტაქტი არ აქვთ.

დატოვეთ თქვენი კომენტარი

პოლიტიკა

საზოგადოება

ეკონომიკა

სამართალი

მსოფლიო

მოზაიკა

მედიცინა

კულინარია

akhalitaoba.ge © 2017-2018