რამდენიმე წუთის წინ დასრულდა მსოფლიოს საფეხბურთო პირველობის მატჩი მე-3 ადგილისთვის ბელგიისა და ინგლისის ნაკრებებს შორის.
შეხვედრა, რომელიც სანქტ პეტერბურგში გაიმართა, ბელგიის უპირატესობით წარიმართა. ანგარიში მე-4 წუთზე თომას მენიემ გახსნა – 1:0. 82-ე წუთზე ედენ აზარმა მეორედ აიღო ინგლისელთა კარი და შეხვედრის საბოლოო შედეგი დააფიქსირა – 2:0.
ბელგიამ ისტორიაში პირველად მოახერხა მსოფლიოს ჩემპიონატზე მე-3 ადგილის მოპოვება. მანამდე მისი საუკეთესო შედეგი იყო მე-4 ადგილი მექსიკის 1986 წლის პირველობაზე.