ხადას ხეობაში მცხოვრებ 19 წლის ახალგაზრდა მამაკაცს უმძიმესი დანაშაულისთვის გაასამართლებენ. ბრალის დადასტურების შემთხვევაში ადგილობრივ მწყემსს განზრახ დამამძიმებელ გარემოებაში ჩადენილი დანაშაულისთვის, მთელი ცხოვრების გატარება გისოსებს მიღმა მოუწევს.
„ნიუპოსტის“ ინფორმაციით, ამერიკელი ცოლ-ქმარის, რაიან და ლორა სმიტების მკვლელობა ახალგაზრდამ თავდაპირველად ხადას მოსახლეობასთან მას შემდეგ აღიარა, რაც ადგილობრივებმა ის ფეხებით დაკიდეს.
ჩვენი ინფორმაციით, ბრალდებულმა პოლიციას დეტალურად მოუყვა ისიც თუ რატომ მოკლა 4 წლის ბავშვი.
„ნიუპოსტისთვის“ ექსკლუზიურად მოწოდებული ინფორმაციის თანახმად, დაკავებულმა აღიარა, რომ მას სურდა ქალის გაუპატიურება, რის გამოც ლორა სმიტის მეუღლე მოკლა, ხოლო 4 წლის მცირეწლოვანი ბავშვი, რომელიც ამ შემზარავი ფაქტის დროს ტიროდა, მოკლა და მისივე სიტყვებით, ცხედარი ზვინში დამალა.