გურამ კაშია უეფამ დააჯილდოვა

გურამ კაშია უეფამ დააჯილდოვაგურამ კაშიამ უეფას მიერ ახალდაწესებული equal game-ის ჯილდო მოიგო. ეს ჯილდო იმ ფეხბურთელებს გადაეცემათ, რომლებიც ხელს უწყობენ ფეხბურთის ხელმისაწვდომობის და თანასწორუფლებიანობის პოპულარიზაციას ევროპაში.

კაშიამ 2017 წლის ოქტომბერში მხარზე ცისარტყელის ფერის სამკლაური გაიკეთა, რითიც დაგმო ლგბტ პირებზე განხორციელებული ძალადობა. სავარაუდოდ ეს გახდა ერთ-ერთი მთავარი მიზეზი, რის გამოც უეფამ კაშია დააჯილდოვა. ქართველი ფეხბურთელი თავის ჯილდოს 30 აგვისტოს მიიღებს.