საბერძნეთში ბავშვებით ვაჭრობის ბრალდებით დაკავებული ქართველი ემიგრანტი ნინო ინაიშვილია. გავრცელებული ინფორმაციით, ქალი საქართველოში ბოლო 12 წლის განმავლობაში არ ყოფილა.
დაკავებულის მეზობლების თქმით, ის საბერძნეთში ერთ-ერთ საავადმყოფოში მუშაობდა.
ბერძნული მედიის ინფორმაციით, სამართალდამცველებმა სულ დანაშაულებრივი ჯგუფის 9 წევრი აიყვანეს. გამოძიება დაკავებულებს ახალშობილებით ვაჭრობაში ადანაშაულებს. დაკავებულთა უმეტესობა ბულგარელები არიან.ათენის ერთ-ერთ გარეუბანში ჩატარებული სპეცოპერაციის დროს, სამართალდამცველებმა კონტაქტი დაამყარეს 40 წლის ქართველ ქალთან, რომელმაც პოლიციის ფარულ აგენტებს 18 000 ევროდ ახალშობილის ყიდვაში დაეხმარა. გამოძიების ინფორმაციით, ჯგუფი უკანონო საქმიანობით სულ მცირე 1 წლის განმავლობაში იყო დაკავებული.
ნიუპოსტი