თბილისში, ჩიტაიას ქუჩაზე, გზის საფარი ჩაინგრა

თბილისში, ჩიტაიას ქუჩაზე გზის საფარი ჩაინგრა. როგორც “ინტერპრესნიუსს” კომპანია GWP-ში განუცხადეს, ასფალტის საფარის ჩანგრევა წყალარინების ქსელში ფარულმა დაზიანებამ გამოიწვია.

შემთხვევის შედეგად არავინ დაშავებულა. ადგილზე მობილიზებულია კომპანიის ჯგუფი, რომელიც, აღდგენით სამუშაოებს განახორციელებს.

შემთხვევას გზის პირას მდებარე ერთ-ერთი მაღაზიის თანამშრომელი შეესწრო. როგორც მან “ინტერპრესნიუსს” განუცხადა, ასფალტის საფარის ჩავარდნას ძლიერი ხმაური მოჰყვა.

“ერთი-ორჯერ ხმაური გავიგე და შემდეგ, როცა შევხედე, თავისით ჩავარდა. ძლიერი ხმაური იყო. საბედნიეროდ, იმ მომენტში იმ მონაკვეთზე არც ერთი მანქანა არ გადაადგილდებოდა”, – აღნიშნა მან.

ამჟამად, ჩიტაიას ქუჩაზე ჩანგრეული გზის ნაწილი გადაკეტილია, რის გამოც აღნიშნულ მონაკვეთზე საავტომობილო მოძრაობა გართულებულია.

გაზიარება:

დატოვეთ თქვენი კომენტარი

პოლიტიკა

საზოგადოება

ეკონომიკა

სამართალი

მსოფლიო

მოზაიკა

მედიცინა

კულინარია

akhalitaoba.ge © 2017-2018