სამეგრელოში ერთ-ერთი სახლის ჭიშკართან ახალშობილი იპოვეს

სამეგრელოში ერთ-ერთი სახლის ჭიშკართან ახალშობილი იპოვესზუგდიდის მუნიციპალიტეტის სოფელ კახათში, ერთ-ერთი სახლის ჭიშკართან ახალშობილი იპოვეს.

“იმედინიუსის” ინფორმაციით, ჩვილი გოგო სასწრაფო სამედიცინო დახმარების სამსახურმა ზუგდიდის რეფერალურ საავადმყოფოში გადაიყვანა.

ექიმების განცხადებით, ჩვილის ჯანმრთელობის მდგომარეობა დამაკმაყოფილებელია და მის სიცოცხლეს საფრთხე არ ემუქრება.

შსს-ს ინფორმაციით, საქმეზე გამოძიება სისხლის სამართლის კოდექსის 127-ე მუხლით დაიწყო, რაც სიცოცხლისათვის საშიშ მდგომარეობაში ჩაყენებას გულისხმობს და ისჯება ჯარიმით, ან ორ წლამდე თავისუფლების აღკვეთით.