ბულგარეთში 30 წლის ჟურნალისტი ვიქტორია მარინოვა ჯერ გააუპატიურეს, შემდეგ კი დაახრჩვეს

30 წლის ვიქტორია მარინოვა ქალაქ რუსეში ჯერ გააუპატიურეს, შემდეგ კი თავში ჩაარტყეს და დაახრჩვეს. ცხედარი დუნაისთან ახლოს, მწვანე ზონაში იპოვეს. რამდენიმე მეტრის დაშორებით მოკლული ჟურნალისტის პირადი ნივთები ნახეს. შორიახლოს მისი კუთვნილი ავტომობილი ეყენა.

ადგილობრივი კრიმინალისტების განცხადებით, მსგავსი სისასტიკით მკვლელობის ფაქტები არ ახსენდებათ.

ჯერჯერობით უცნობია, უკავშირდება თუ არა მკვლელობა მარინოვას პროფესიულ საქმიანობას.

ადგილობრივი ტელევიზიის დირექტორი ძირითადად კორუფციის თემაზე მუშაობდა, მისი ბოლო გადაცემა კი ევროკავშირის ფონდთან დაკავშირებით თაღლითობას შეეხებოდა, რომელშიც სავარაუდოდ, პოლიტიკოსები და ბიზნესმენები არიან ჩართულნი.

ჟურნალისტის მკვლელობა უკვე დაგმო საერთაშორისო გაერთიანებამ და ბულგარეთის ხელისუფლებას უსწრაფესი გამოძიებისკენ მოუწოდა.

დატოვეთ თქვენი კომენტარი

პოლიტიკა

საზოგადოება

ეკონომიკა

სამართალი

მსოფლიო

მოზაიკა

მედიცინა

კულინარია

akhalitaoba.ge © 2017-2018