ამერიკულმა პოლიციამ ხაბიბ ნურმაგომედოვის მენეჯერი რიზვან მაგომედოვი და რუსი მებრძოლის კიდევ ორი წარმომადგენელი დააკავა. მათი ვინაობა არ სახელდება. ეს მას შემდეგ მოხდა, რაც ნურმაგომედოვმა UFC-ის ჩემპიონის ტიტული დღეს გამართულ ისტორიულ ბრძოლაში შეინარჩუნა.
ინფორმაციას რუსული მედია ავრცელებს.
ბრძოლის დასრულებისთანავე, მოედნის მიღმა ზედახორა ატყდა: ნურმაგომედოვი მაკგრეგორის სპარინგ-პარტნიორს, დილონ დენისს მივარდა, მისი სეკუნდანტი ზუბაირა ტუხუგოვი კი – თავად ირლანდიელ მაკგრეგორს.
ამ აურზაურის გამო, ნურმაგომედოვს ჩემპიონის ქამარი აღარ გადასცეს. როცა ის მოედნიდან გადიოდა, მას ლუდის ბოთლებს, ირლანდიის დროშებსა და სხვა ნივთებს ესროდნენ.
დღეს ლას-ვეგასში შერეული ორთაბრძოლის ვარსკვლავები დაღესტნელი ჰაბიბ ნურმაგომედოვი და ირლანდიელი კონორ მაკგრეგორი ერთმანეთს შეხვდნენ. UFC 229-ის მთავარი ბრძოლის გამარჯვებული ჰაბიბ ნურმაგომედოვი გახდა.
იმედინიუსი