ხანძარი ხულოში – დაიწვნენ 76 წლის შშმ კაცი და 20 წლის გოგონა, რომელიც მის გადარჩენას ცდილობდა

ხულოს მუნიციპალიტეტის ღორჯომის თემის სოფელ ჭახაურში ორი საცხოვრებელი სახლი დაიწვა თავის დამხმარე ნაგებობებით.

ერთ-ერთი მოქალაქის ინფორმაციით, რომელსაც ფეისბუქლაივი ჰქონდა ჩართული, ხანძარმა ორი პირი იმსხვერპლა.

ხულოს მერიის პრესცენტრის ინფორმაციით, დაიღუპა 76-წლამდე კაცი, რომელიც შშმ პირი იყო და მეორე 20-წლამდე გოგო. „ბათუმელებს“ შემთხვევის ადგილზე უთხრეს, რომ გოგონა სწორედ შშმ პირის გადარჩენას ცდილობდა, თუმცა თავადაც დაიღუპა.

შემთხვევის ადგილზე ხულო-ქედა-შუახევის სახანძრო მანქანები გავიდნენ.

მოქალაქის ინფორმაციით, რომელსაც ფეისბუქლაივი აქვს ჩართული, გზებზე გაჩერებული ტრანსპორტის გამო სახანძროს მანქანები შეფერხებით გადაადგილდებოდნენ.

დატოვეთ თქვენი კომენტარი

...

პოლიტიკა

საზოგადოება

ეკონომიკა

სამართალი

მსოფლიო

მოზაიკა

მედიცინა

კულინარია

akhalitaoba.ge © 2017-2019