არ შეიძლება ორგანიზმისთვის ერთბაშად დიდი დატვირთვა – კარდიოლოგ ანზორ მელიას რჩევა სპორტსმენების მშობლებს

20 წლის ლაშა მღებრიშვილის გარდაცვალების ფაქტმა უამრავ ადამიანს დაწყვიტა გული. ახალგაზრდა ბიჭი, გუშინ რაგბის თამაშის დროს გარდაიცვალა. იგი შერკინებისას მოულოდნელად გახდა ცუდად, გული გაუჩერდა, კრიჭა შეეკრა და მისი გადარჩენა ვერავინ შეძლო. ამ ტრაგედიამ საზოგადოებას ზუგდიდში მოხდარი შემზარავი ამბავიც გაახსენა, რომელიც რამდენიმე თვის წინ მოხდა. მაშინ 10 წლის მოზარდს ფეხბურთის თამაშისას გაუჩერდა გული. ამ შემთხვევაშიც ფატალური შედეგი დადგა და ბიჭუნას გადარჩენა ვერ მოხერხდა.

იმის გასარკვევად, თუ როგორ უნდა დავიცვათ სპორტით დაკავებული ბავშვები მსგავსი ტრაგიკული შემთხვევებისგან და როგორ შეიძლება გავუწიოთ პირველადი დახმარება სპორტსმენს,
  mshoblebi.ge კარდიოლოგ ანზორ მელიას დაუკავშირდა:

– როცა სპორტულ სექციებს ან გუნდებში იღებენ ახალგაზრდებს, პროფილაქტიკური გასინჯვაა საჭირო. აუცილებლად უნდა იყოს სამედიცინო კომისია, რომელმაც უნდა შეამოწმოს და შეაფასოს სპორტსმენის ჯანმრთელობის მდგომარეობა. ვარჯიშები უნდა დაიგეგმოს სპეციალური პროგრამის მიხედვით. არ შეიძლება ორგანიზმისთვის ერთბაშად დიდი დატვირთვა. ვარჯიშის ხანგრძლივობა თანდათან უნდა გაიზარდოს. კიდევ ერთხელ გავიმეორებ, რომ პროფგასინჯვები აუცილებელია, მიუხედავად იმისა, რომ მსგავსი უბედურებისგან არავინ ვართ დაზღვეული. უცხოეთში მოთამაშე სპორტსმენბსაც ემართებათ გულის შეტევა თამაშის დროს და სამწუახრო შედეგი მათთანაც დგება. ამიტომ პროფგასინჯვები უნდა მოხდეს 6 თვეში ერთხელ. ამაში შედის კარდიოგრამა, ექოსკოპია და დატვირთვის ტესტი. ეს პროცედურები კი ჩვენს არცერთ სპორტულ გუნდში არ ხდება.

– როგორ შეიძლება გავუწიოთ პირველადი დახმარება სპორსტმენს, რომელსაც გულის შეტევა დაემართება თამაშისას?
– ყველა სპორტულ გუნდში უნდა იყოს დეფიბლრილატორი, ელექტრო შოკი. როგორც აღნიშნეთ, გარდაცვლილ ახალგაზრდას საწრაფო დახმარებამ ვერ მოუსწრო, ელექტრო შოკით შეიძლებოდა დავხმარებოდით მას, სასწრაფოს მოსვლამდე გული ვერ გაუძლებდა. უცხოეთში, განვითარებულ ქვეყნებში, ქუჩებზეც კია მიმაგრებული ელექტრო შოკის აპარატები.

mshoblebi.ge

დატოვეთ თქვენი კომენტარი

...

პოლიტიკა

საზოგადოება

ეკონომიკა

სამართალი

მსოფლიო

მოზაიკა

მედიცინა

კულინარია

akhalitaoba.ge © 2017-2019