თბილისის მეტროპოლიტენის პირველ ხაზზე მოძრაობა შეფერხებული იყო.
როგორც „ინტერპრესნიუსს“ თბილისის მეტროპოლიტენში განუცხადეს, შეფერხება ერთ-ერთი მატარებლის ტექნიკურ ხარვეზს უკავშირდებოდა, რომელიც დეპოში გადაყვანას საჭიროებდა.
მატარებელი დროებით „ავლაბარ“-„300 არაგველის“ მონაკვეთზე იყო გაჩერებული. აღნიშნულიდან გამომდინარე, შეფერხებული იყო პირველ ხაზის მუშაობა. დროებით დახურული იყო მეტროს სადგურები.
ამ ეტაპზე მოძრაობა ორივე ხაზზე სრულად აღდგენილია, თუმცა სადგურები მგზავრებითაა გადაჭედილი.