გაერთიანებული ოპოზიციის მიერ რუსთაველის გამზირზე გუშინ გამართულ აქციას საქართველოს პარლამენტის თავმჯდომარე ირაკლი კობახიძე ეხმაურება. კობახიძემ აქციას არასერიოზული და კომიკური უწოდა:
„ჩვენ გუშინ ვნახეთ მათი „დიდი აქცია”, სადაც კიდევ ერთხელ გამოჩნდა, რომ მათ არავითარი რესურსი არ აქვთ, რომ რაიმე დესტაბილიზაცია შექმნან ქვეყანაში. ყველაფერი, რაც გუშინ ხდებოდა, კომიკური და არასერიოზული იყო. მათ შორის, ის ინიციატივები, რომელიც მათი მხრიდან გაჟღერდა. საქართველოში დესტაბილიზაციას არანაირი პერსპექტივა არ აქვს. ჩვენ ვართ იმაზე პასუხისმგებელი, რომ გაგრძელდება ჩვენი ქვეყნის მშვიდობიანი განვითარება”, – განაცხადა ირაკლი კობახიძემ