თემურ აბაზოვი – „მე ვარ ბინძური პროვოკაციის მსხვერპლი”

თემურ აბაზოვი - „მე ვარ ბინძური პროვოკაციის მსხვერპლი"დამამცირებელი და არაადამიანური მოპყრობის ბრალდებით გასამართლებული მარნეულის ყოფილი მერი თემურ აბაზოვი პატიმრობიდან გაათავისუფლეს. ექვსთვიანი პატიმრობის შემდეგ ის დღეს რუსთავის სასამართლომ გაათავისუფლა.

„ქართული ოცნების“ მაღალჩინოსანს აღკვეთის ღონისძიება, პატიმრობა, მოსამართლემ 10 ათას ლარიანი გირაოთი შეუცვალა.

„მე ვარ ბინძური პროვოკაციის მსხვერპლი. ვინაიდან ერთ-ერთმა მოწმემ როგორც განაცხადა, ეს იყო იმისთვის გაკეთებული, რომ მას ასეთი ბინძური გინებითა და ოჯახის შეურაცხყოფით უნდოდა „ნაციონალურ მოძრაობაში“ გადასვლა. რეალურად ეს ადამიანი იყო „ქართული ოცნების“ წარმომადგენელი. მე მსჯავრდებული არ ვყოფილვარ, მე ვიყავი ბრალდებული. მე საჩივარი უნდა შევიტანო ცილისწამებისთვის, ვინაიდან ჩემი ოჯახი იყო წამოუდგენლად შეურაცხყოფილი,“- ამბობს აბაზოვი.

რუსთავი 2