„არცერთი გუნდის დამსახურება არ არის, ეს არის დამსახურება ქართველი ხალხის, რომ მე ვარ პრეზიდენტი,“- ამის შესახებ სალომე ზურაბიშვილმა ჟურნალისტის იმ კითხვის საპასუხოდ განაცხადა, რომ მისი გაპრეზიდენტება „ქართული ოცნების“ დამსახურებაა.
სალომე ზურაბიშვილმა ხაზგასმით აღნიშნა, რომ ქართველი ხალხის და არა რომელიმე გუნდის დამსახურებაა ის, რომ ის საქართველოს პრეზიდენტი გახდა.
მას ჟურნალისტებმა „ქართულ ოცნებაში“ მიმდინარე დაპირისპირებასა და მოსამართლეების 10-კაციან სიასთან დაკავშირებით კითხვები დაუსვეს.
„არ გადავალ იმ ზღვარს, რომელიც არ არის პრეზიდენტის კომპეტენცია,“- აღნიშნა ზურაბიშვილმა.