მამა ათანასე კარანაძე – “ბენტლი, რომელშიც ვზივარ, ჩემი არ არის… ასეთი ზიზღის ღირსი სამღვდელოება არ ვართ”

სასულიერო პირის ფოტო, რომელიც “ბენტლიში” ზის, მეორე დღეა, სოციალურ ქსელში განხილვის საგანი გახდა. როგორც გაირკვა სასულიერო პირი არქიმანდრიტი ათანასე კარანაძეა, რომელიც გავრცელებულ ფოტოს სოციალურ ქსელში თავადვე გამოეხმაურა.
“მოგესალმებით ყველას, ჩემს facebook -ის მეგობრებსა და სრულიად facebook-ის მომხმარებლებს .გუშინ შუა-დღეს დაიდო ჩემი სურათები, სადაც მე რომპეტროლის ბენზინგასამართ სადგურზე მანქანაში ვზივარ და ვასხამ საწვავს. აღნიშნული მანქანა არის 2006.წ. Bentli , რომელიც ეკუთვნის ჩემს ახლობელ ადამიანს. თუნდაც ცნობისმოყვარეობის მიზნით, რომ დავმჯდარიყავი საჭესთან და მანქანა გამეტარებინა ეს ხომ არ ნიშნავს , რომ ჩემი კუთვნილებაა, ხვალ რომ PORSHE-ს საჭესთან დავჯდე ასევე ანალოგიური ცნობისმოყვარეობით, რომელიც ჩემს ბევრ ახლობელ ადამიანს ჰყავს . ე.ი ჩემია?
ხალხო: ნუთუ ვერ ატყობთ , რომ ყველა რაღაცნაირად გაბოროტებულია და სხვისი ცხოვრებით ცხოვრობს, თავის ნაჭუჭშია ჩაკეტილი და ერთი სული აქვს ვინმე რაიმეთი გააკრიტიკოს და მიწასთან გაასწოროს. ამ კატეგორიას ის უფრო უხარია, რომ როცა წაქცეული ხარ მაშინ გითანაგრძნოს , ხოლო შენი სიხარული და წარმატება კი არად ადარდებს . მე ამას გულისტკივილით ვამბობ , ღმერთმა დამიფაროს ვინმეს წარმატება და კეთილდღეობა შემშურდეს.
ისე ცნობისათვის, ვისაც დააინტერესებს ჩემი პიროვნება შეგიძლიათ facebook -ზე ნახოთ ჩემი მონასტერი და თუ გექნებათ სურვილი, შემდგომში მობრძანდეთ და ადგილზე დაათვალიეროთ და ნახოთ , რა იყო 6 წლის წინ და ამჟამად როგორ გამოიყურება და ეს ყველაფერი მადლობა ღმერთს ჩემი და ჩემი გვერდში მდგომი ადამიანების შრომის შედეგია . მოინახულეთ ფოკის მამათა მონასტერი , რომელიც ფარავანის ტბაზე მდებარეობს ზღვის დონიდან 2300 მეტრზე , ალპურ ზონაში სადაც აღვიკვეცე და 8 წელი დავყავი , რაი იყო 2004 წლამდე და შემდგომ როგორ გამშვენდა და კეთილმოეწყო.
მე ჩემს გაკეთებულ საქმეებზე არასოდეს არ მილაპარაკია, მაგრამ იმდენი ზიზღი დავინახე არამარტო ჩემს მიმართ არამედ მთლიანი სამღვდელოების მიმართ , რისი ღირსნიც არ ვართ . ყველას თავის ცოდვას ღმერთი მოჰითხავს.
მადლობა ღმერთს ყველაფრისათვის. ხალხმა მაცხოვარი განიკითხა და მე ვინ ვარ?! ცოდვილი !
. ღმერთმა დაგლოცოთ და განგამტკიცოთ რწმენაში.
ქრისტესმიერი სიყვარულით არქიმანდრიტი ათანასე (კარანაძე) “.

ნიუპოსტი

დატოვეთ თქვენი კომენტარი

პოლიტიკა

საზოგადოება

ეკონომიკა

სამართალი

მსოფლიო

მოზაიკა

მედიცინა

კულინარია

akhalitaoba.ge © 2017-2019