ზესტაფონის მერი კახაბერ მახათაძე პოსტს ტოვებს

ზესტაფონის მერი კახაბერ მახათაძე პოსტს ტოვებსზესტაფონის მერი თანამდებობის დატოვებას გეგმავს. ინფორმაციას მერიის ადმინისტრაციაში ადასტურებენ. კახაბერ მახათაძე მერის პოსტიდან საკუთარი განცხადების საფუძველზე მიდის.

თავად კახაბერ მახათაძე მედიასთან კომენტარს არ აკეთებს. თანამდებობა ასევე საკუთარი განცხადების საფუძველზე დატოვა მერის მოადგილემ ელგუჯაკვეტენაძემ. მერის პირველი მოადგილე დავით ჩირგაძე ამჟამად ჯანმრთელობის მდგომარეობის გაუარესების გამო სამსახურში არ იმყოფება. დღესვე მერის მოადგილედ დაინიშნა ნუგზარ ფერაძე, რომელიც შეასრულებს მერის მოვალეობას.

კახაბერ მახათაძე თანამდებობას 2017 წლის ადგილობრივი თვითმმართველობის არჩევნების შემდეგ იკავებს. გასული წლის სექტემბრიდან მოსახლეობამ მისი გადადგომის მოთხოვნით არაერთი აქცია ჩაატარა.

რუსთავი 2