უზნაძის 49 ნომერში, კარდიოლოგიური განყოფილების ყოფილ შენობაში დევნილები შეიჭრნენ.
როგორც ადგილიდან imedinews-ის ჟურნალისტი იუწყება, შენობაში შეჭრილები ოკუპირებული ტერიტორიებიდან დევნილთა, შრომის, ჯანმრთელობის და სოციალური დაცვის სამინისტროს წარმომადგენელთან შეხვედრას ითხოვდნენ.
კარდიოლოგიური განყოფილების ყოფილ შენობაში ამ დრომდე დევნილების 7 ოჯახი ცხოვრობდა. ახლა კი 10 ოჯახი შეიჭრა.
ამ დროისათვის დევნილებთან საქართველოს ოკუპირებული ტერიტორიებიდან დევნილთა და ეკომიგრანტთა პოლიტიკის დეპარტამენტის უფროსი მურად აბლოთია იმყოფება.
ადგილზე მობილიზებულია საპატრულო პოლიციის ეკიპაჟები.