აშშ-ში სამიდან ერთ ახალგაზრდას ჭარბი წონა აწუხებს. გამოცემა Health-ის ინფორმაციით, ეს რიცხვი ზრდადია. ამერიკისგან განსხვავებით, იაპონიასა და ინდოეთში სიმსუქნის მაჩვენებელი სულ რაღაც 5%-ს შეადგენს.
რატომ არის ასეთი განსხვავება?
ჭარბი წონა შეიძლება, გენეტიკური ფაქტორებით იყოს გამოწვეული, თუმცა გენეტიკური განწყობის გარდა, ზედმეტი კილოგრამების რაოდენობას ხშირად, ცხოვრების სტილი და კულტურაც განსაზღვრავს. ყველაზე კარგი ისაა, რომ ყველას შეუძლია ჯანსაღი კვება ჩვევად აქციოს. ბევრ ქვეყანაში ჯანსაღ კვებასთან დაკავშირებით სასარგებლო ჩვევები აქვთ, რომლებიც ჩვენც შეგვიძლია, ვისწავლოთ და ყოველდღიურ ცხოვრებაში გამოვიყენოთ.
იაპონია – ზღვის პროდუქტებისა და ბოსტნეულის სიჯანსაღეზე ყველას გვსმენია. ამის გამო ხშირად “ომეგა 3”-ს მედიკამენტის სახითაც კი ვიღებთ-ხოლმე. საუკეთესო ჩვევა, რაც იაპონელების კვების კულტურიდან შეგვიძლია წამოვიღოთ, მცირე ულუფები და სეზონური პროდუქტების მიღების ჩვევაა, რომელიც თეფშზე მიმზიდველად არის განლაგებული. თევზის რაციონში ჩართვის შემთხვევაში უნდა გავითვალიწინოთ, რომ მნიშვნელოვანია, ის ეკოლოგიურად სუფთა გარემოში იყოს გაზრდილი. თევზი, რომლის ორგანიზმშიც მძიმე მეტალია, ჯანმრთელობისთვის ზიანის მომტანია. როგორც წესი, მისი ორგანიზმში დაგროვება ნერვულ სისტემას აზიანებს.
ჩინეთ – ტრადიციული ჩინური ჯოხებით კვება საკვების ნელა მიღებასთან არის დაკავშირებული. გამოცემა Health-ის ინფორმაციით, კვლევები ადასტურებს, რომ ნელა კვება კალორიების ათვისების შესაძლებლობის შემცირებასთან არის დაკავშირებული. ამასთან, ერთ-ერთი იაპონური კვლევის თანახმად, კარდიოვასკულარული დაავადებები უფრო გავრცელებულია იმ ადამიანებში, ვინც სწრაფად ჭამენ. ჩინელების ეს კვებითი თვისება ჭარბი წონის თავიდან არიდებას უწყობს ხელს.
საფრანგეთი – მიუხედავად იმისა, რომ ფრანგული სამზარეულო არაჯანსაღ კვებასთან არის კავშირში, კვლევების თანახმად, ქვეყანას აშშ-სთან შედარებით, კარდიოვასკულარული დაავადებების მცირე სტატისტიკა აქვს. ამასთან, ამერიკელები ბოლო პერიოდში ჯანსაღ კვებაზე უფრო კონცენტრირდნენ, თუმცა კარდიოვასკულარული დაავადებების მაჩვენებელი მაინც მაღალია. დიდი პორცია “ჯანსაღი” გაყინული იოგურტის ჭამას, მცირე ულუფა ტრიუფელის მიღება სჯობს, რომელიც გაცილებით გემრიელია. ის, რაც არაჯსანსაღ კვებით ჩვევად შეიძლება ჩაითვალოს, დილის კრუასანით დაწყებაა, რომელიც გაჯერებულია კარბოჰიდრატებით, შაქრითა და ცხიმით.
ეთიოპია – “ინჯერა” ტრადიციული ეთიოპიური თეთრი პურია, რომელიც გაჯერებულია მინერალებით, ვიტამინ C-თი და პროტეინებით. ტრადიციული ეთიოპიური სამზარეულო მოიცავს ბოსტნეულს, ლობიოს, ოსპს და დიდი ოდენობით ცხოველურ პროდუქტებს. საბოლოო ჯამში, მათი ერთობლიობა ჯანსაღად კვებასთან არის კავშირში.
“ინჯერა” ტრადიციული ეთიოპიური თეთრი პური
მექსიკა – ტრადიციული მექსიკური კვების კულტურა “ალმუერცოს” გარეშე წარმოუდგენელია. ტრადიციული კვლევების თანახმად, სხეული ინსულინს ღამით ნაკლებად ითვისებს, ამიტომ გვიან ვახშმობა წონაში მატების მიზეზი ხდება, რამდენად დაბალკალორიული პროდუქტებითაც არ უნდა იკვებებოდეთ. როგორ შევძლოთ ღამით კვებისგან თავიდან აცილება? ამაში ტრადიციული მექსიკური კერძი დაგვეხმარება, რომელიც იმდენად ნოყიერია, რომ რთულია, დილამდე მოგშივდეს.
იტალია – ყოველდღიურად ჭიქა ღვინის მიღება იტალიელების ჩვევას წარმოადგენს, თუმცა ზომიერება აქაც საჭიროა. ყოველდღიურად, ჭიქა კარგი ღვინის მიღება კარდიოვასკულარული დაავადებების რისკს ამცირებს. მნიშვნელოვანია, გავითვალისწინოთ, რომ ღვინის მიღება მშიერზე არ შეიძლება, რადგან გულის შეტევის რისკს ზრდის.
საბერძნეთი – ხმელთაშუა ზღვის დიეტა რომ ჯანსაღი და ჯანმრთელობისთვის სასარგებლოა, ეს ყველამ ვიცით, თუმცა რა არის ბერძნების ყველაზე ჯანსაღი და გემრიელი პროდუქტები, რომლებიც ჩვენს სადილს უნდა დავუმატოთ? ხმელთაშუა ზღვის კერძები ხშირად შეიცავენ ზეითუნის ზეთს, ყველსა და ხორცს. ეს მაღალკალორიული ინგრედიენტები კერძებში მცირე რაოდენობით არის გამოყენებული. ამასთან, ბერძნული სამზარეულო დიდი ოდენობით ბოსტნეულს, მარცვლეულსა და ლეღვს შეიცავს.
შვედეთი – მიუხედავად იმისა, რომ სკანდინავიურ სამზარეულოში ბოსტნეული მთავარ როლს არ თამაშობს, შვედური კერძების ნაწილში ჯანსაღი ინგრედიენტები მაინც გვხვდება. მაგალითად, “ომეგა 3”-ით გაჯერებულ თევზში. ასევე, შვედების ჭვავის პური მსოფლიოში ცნობილია, როგორც ტრადიციული დიეტის შემადგენელი ნაწილი. ჭვავის პური დიდი ოდენობით ვიტამინებს შეიცავს, ამავდროულად, სენდვიჩებში ძალიან გემრიელი.
ამბები.გე