საოკუპაციო ხაზთან მდებარე სოფელ ერგნეთში, ე.წ. საზღვართან, მდინარე ლიახვთან ახლოს კაცის ცხედარი იპოვეს. ინფორმაციას ,,იმედინიუსი” ავრცელებს. ჯერჯერობით უცნობია კაცის გარდაცვალების მიზეზები და აღენიშნება თუ არა მას ძალადობის კვალი. გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.
დღეს დილიდან, შიდა ქართლში, საოკუპაციო ხაზთან მდებარე სოფელ ერგნეთში, ინციდენტების, პრევენციისა და მათზე რეაგირების მექანიზმის სამუშაო ჯგუფის შეხვედრა მიმდინარეობს. „ნიუპოსტის“ კორესპონდენტის ცნობით, შეხვედრა სროლების ფონზე დაიწყო, რომელიც ახლაც გრძელდება. კერძოდ, ცხინვალში სამხედრო წვრთნები მიმიდნარეობს და მსხვილკალიბრიანი იარაღიდან ისვრიან, სოფელი ერგნეთი კი ოკუპირებულ ცხინვალთან რამდენიმე ასეული მეტრით არის დაშორებული. რაც შეეხება შეხევედრას, ის ორთვიანი შესვენების შემდეგ […]