სექსოლოგი ზურაბ მარშანია საქართველოში განქორწინების გაზრდილი რაოდენობის ერთ-ერთი მიზეზად სქესობრივი ლტოლვის დაკარგვას ასახელებს.
– ბატონო ზურაბ, ძირითადად რა ასაკის პაციენტები მოგმართავენ?
– როგორც მამაკაცი ასაკში შესვლის შემდეგ უფრო მოწყვლადია სექსუალური დისფუნქციისადმი, ასევეა ქალიც. მაგრამ ხანშიშესული ქართველი ქალი ჩემთან არ მოდის. 50 წელს გადაცილებული ქართველი ქალი ხშირად უარს ამბობს სექსზე. ფიქრობენ, შვილიშვილი მყავს და რა დროს ჩემი სექსიაო, რა შუაშია შვილიშვილი სექსთან, გამაგებინეთ, ხალხნო? თუ ქალს შეუძლია, კარგადაა, რატომ არ უნდა ჰქონდეს სექსი?
– რჩევების სახით, რას ეტყოდით პოტენციურ პაციენტებს?
– უნდა ვილაპარაკოთ ხმამაღლა სექსზე, სექსუალურ განათლებაზე, რომ ვიყოთ ბედნიერები და ჯანმრთელები და ექიმთანაც უნდა მივიდეთ.
– შეიძლება ერთ-ერთ მიზეზად განვიხილოთ მარიხუანას მოხმარება, ალკოჰოლი, ფსიქოტროპული პრეპარატები?
– დიახ, შესაძლებელია, თუმცა უფრო ხშირად 90-92 პროცენტში ეს ფსიქოგენური ფაქტორიდან მოდის. ძალიან ხშირად მოგვმართავენ ამ პრობლემით პაციენტები, თუმცა ქალების მომართვიანობა ნაკლებია. მამაკაცი უფრო ბედავს.
არადა, ქალში უფრო მძიმედ მიმდინარეობს სექსუალური დისფუნქციები, სამკურნალოდაც უფრო ძნელია. ჩვენს ქვეყანაში ქალებს სექსუალური დისფუნქციის დროს ჯერ კიდევ ეუხერხულებათ ექიმთან მისვლა. როდესაც ადამიანს არ აქვს ჰარმონიული სექსი, მისი ცხოვრების ხარისხი იკლებს, ის არ არის ბედნიერი, ბოროტდება, უკმაყოფილოა ყველაფრით. ეს, რა თქმა უნდა, ცხოვრების ხარისხზე და სიცოცხლის ხანგრძლივობაზე პირდაპირ მოქმედებს.
ინტერმედია