ცოტა ხნის წინ ლივერპულის ენფილდის სტადიონზე დასრულდა პრემიერლიგის მატჩი ლივერპულსა და ევერტონს შორის.
ლივერპულის დერბიმ ტრადიციულად საინტერესოდ ჩაიარა.
ანგარიში მასპინძლებმა გახსნეს. გოლი მე-8 წუთზე სადიო მანემ გაიტანა.
28-ე წუთზე სტუმრებმა საპასუხო გოლი გაიტანეს. ეს მეთიუ პენინგტონმა გააკეთა _ 1:1.
3 წუთის შემდეგ ფელიპე კოუტინიომ სოლო გარღვევა შეასრულა და მოჭრილი დარტყმით ლივერპული წინ გაიყვანა.
მატჩს საბოლოოს წერტილი დივოკ ორიჯიმ დაუსვა. საჯარიმოს ხაზიდან მისი უძლიერესი დარტყმა ევერტონის მეკარისთვის აუღებელი აღმოჩნდა. ეს მე-60 წუთზე მოხდა.
ამრიგად, ლივერპულმა ევერტონი 3:1 დაამარცხა.