ბარსელონას არგენტინელმა მცველმა ხავიერ მასკერანომ ბარსელონას შემადგენლობაში პირველი გოლი გაიტანა.
ეს ისტორიული მოვლენა ოსასუნასთან შეხვედრის დროს მოხდა, როდესაც მასკერანომ პენალტი ზუსტად შეასრულა.
მასკერანო ბარსელონაში 2010 წელს გადავიდა და მას შემდეგ 7 წლის მანძილზე მან პირველად შეძლო მეტოქე გუნდის კარში გოლის გატანა. ბარსელონამ ოსასუნა 7:1 დაამარცხა და კატალონიელები ლიდერობას ინარჩუნებენ.
მასკერანომ ბარსელონაში 319–ე შეხვედრა ჩაატარა, რომელიც მისთვის იღბლიანი აღმოჩნდა.