სამაუწყებლო კომპანიის გენერალური დირექტორის ნიკა გვარამიას ინფორმაციით, კრიზისი კომპანიის ფინანსების რამდენიმეთვიანმა ყადაღამ გამოიწვია.
სამაუწყებლო კომპანიის გენერალური დირექტორის ნიკა გვარამიას ინფორმაციით, კრიზისი კომპანიის ფინანსების რამდენიმეთვიანმა ყადაღამ გამოიწვია.
– რეორგანიზაცია ფინანსურმა კრიზისმა გამოიწვია, რამდენიმე თვეა კომპანია ყადაღის რეჟიმშია, არ გვაქვს ხელმისაწვდომობა საბანკო რესურსებთან, შესაბამისად, კრიზისიც მოსალოდნელი იყო. საჭიროა, ხარჯების და შემოსავლების ოპტიმიზაცია, – განაცხადა „ფორტუნასთან“ საუბარში ნიკა გვარამიამ.
ფინანსური კრიზისის მოუგვარებლობის შემთხვევაში ნიკა გვარამია თანამდებობის დატოვებასაც არ გამორიცხავს
– კრიზისის მოსაგვარებლად გამოვიყენებთ ყველა საშუალებას, ვფიქრობთ სხვადასხვა მიმართულებით, მე ვეცდები ბოლომდე, მაგრამ თუ ადამიანი ვერ შველის სიტუაციას, ობიექტური მიზეზებიც რომ იყოს, არ შეიძლება, ბოლომდე იქ იყოს, – განმარტავს “ფორტუნასთან” არხის გენერალური დირექტორი.
რაც შეეხება გადაცემებს და საეთერო ბადეს, არხის გენერალური დირექტორის ინფორმაციით, მთავარ საინფორმაციო გამოშვებას “კურიერს“ არანაირი საფრთხე არ ემუქრება. რაც შეეხება გადაცემებს, უკვე დაიხურა ორი – “ეკივოკი“ და “იღბლიანი ბორბალი.“ მოსალოდნელია სხვა გადაცემების დახურვაც.
fortuna.ge