მიუნხენის “ბაიერნმა” გადაწყვიტა მთავარი მწვრთნელის პოსტიდან გაათავისუფლოს იტალიელი კარლო ანჩელოტი. გერმანიის ჩემპიონმა ეს გადაწყვეტილება კლუბის ხელმძღვანელობის საგანგებო კრებაზე მიიღო.
“ბაიერნმა” ჩემპიონთა ლიგის ჯგუფური ეტაპის მეორე ტურში 0:3 წააგო “პარი სენ-ჟერმენთან”. 58 წლის სპეციალისტი მიუნხენურ კლუბთან 2016 წლის ზაფხულიდან მუშაობდა. მისი ხელმძღვანელობით “ბაიერნმა” მოიგო გერმანიის ჩემპიონატი და ორჯერ – გერმანიის სუპერთასი.
ვარაუდობენ, რომ ანჩელოტის დროებით მთავარი მწვრთნელის პოსტზე შეცვლის მისი ასისტენტი, ფრანგი ვილი სანიოლი. ადრე გერმანულ პრესაში დაიწერა, რომ ანჩელოტის სავარაუდო შემცვლელად განიხილება “ჰოფენჰაიმის” დამრიგებელი იულიან ნაგელსმანი.