ნინო ოძელაშვილი დღეს, 1 სექტემბერს, ბუდაპეშტში მიმდინარე ძიუდოს მსოფლიო ჩემპიონატს გამოეთიშა.
ამის მიზეზი გახდა ყელსაბამი, რომელიც ნინო ოძელაშვილს ეკეთა. კომენტატორმა, რომელსაც ჩემპიონატი ქართულ ენაზე მიჰყავდა, განაცხადა, რომ სავარაუდოდ, მას ჯვარი ეკეთა.
დაპირისპირების დასრულებამდე 2 წუთზე ოდნავ მეტი იყო დარჩენილი, ქართველი კი ამ დროს ნიგერიელ ვინი გოფიტს 1:0-ს ამარცხებდა.
როგორც “ფეისბუკზე” ნინო ოძელაშვილის გულშემატკივრები წერენ, სპორტსმენს, სავარაუდოდ, დაავიწყდა ჯვრის მოხსნა, წესების თანახმად კი, შეჯიბრზე ყოველგვარი ყელსაბამით გამოსვლა სასტიკად აკრძალულია.
ნეტგაზეტი