ქობულეთში, აღმაშენებლის ქუჩის 217 ნომერში, საცხოვრებელი სახლის იატაკი ჩაინგრა. შემთხვევის დროს ოჯახის წევრები სახლში იმყოფებოდნენ, თუმცა არავინ დაშავებულა. ინფორმაციას ამის შესახებ ajaratv ავრცელებს.
დაზარალებული ოჯახის წევრების თქმით, დაახლოებით 25 წლის წინ სახლს პატარა სამზარეულო მიაშენეს, დღეს სწორედ ამ ოთახის იატაკი ჩავარდა.
ქობულეთში დაზიანებულ სახლთან სამართალდამცველები მივიდნენ. რამ გამოიწვია იატაკის ჩანგრევა, ჯერ-ჯერობით უცნობია. მიმდინარეობს მოკვლევა.