ამერიკის შეერთებული შტატების პრეზიდენტმა დონალდ ტრამპმა სპეციალური განკარგულებით, აშშ-ის მიერ რუსეთის წინააღმდეგ დაწესებული სანქციები ერთი წლით გაახანგრძლივა. სანქციების გახანგრძლივება უკრაინის საკითხს, ყირიმის ოკუპაციასა და აღმოსავლეთ უკრაინაში მიმდინარე მოვლენებს უკავშირდება.თეთრი სახლის ვებ-გვერდზე გამოქვეყნებულ განკარგულებაში ნათქვამია, რომ იგი კიდევ ერთი წლით, ძალაში ტოვებს 2014 წლის 6 მარტს ბარაკ ობამას მიერ რუსეთისთვის დაწესებულ სანქციებს, რომელიც უკრაინაში რუსეთის ქმედებების გამო იყო შემოღებული, რადგან ამ ხნის განმავლობაში ვითარება არ შეცვლია და რუსეთი კვლავ აგრძელებს აგრესიულ პოლიტიკას სუვერენული ქვეყნის მიმართ.
akhalitaoba.ge © 2017-2026