ბაკურიანში სასტუმრო „ბაკურიანი რეზიდენსში“ გაჩენილი ხანძარი ლოკალიზებულია. ამის შესახებ ინფორმაციას საგანგებო სიტიაციების მართვის სამსახური ავრცელებს.
“ბაკურიანი – სასტუმრო “ბაკურიანი რეზიდენსში” გაჩენილი ხანძარი ლოკალიზებულია.
ცეცხლი შენობის სასხვენო გადახურვას გაუჩნდა.
დამწვარია 150 მ² ფართობი.
შემთხვევის შედეგად არავინ დაშავებულა.
ადგილზე მუშაობს 8 სახანძრო-სამაშველო ჯგუფი.
შეტყობინება ხანძრის შესახებ 11:40 საათზე შემოვიდა. პირველი სახანძრო-სამაშველო ჯგუფი ადგილზე 11:45 საათზე გამოცხადდა. მეხანძრე-მაშველების მიერ ხანძრის ლოკალიზება მოხდა 15:14 საათზე.
მომხდართან დაკავშირებით, შინაგან საქმეთა სამინისტრომ გამოძიება სისხლის სამართლის კოდექსის 187-ე მუხლის მე-2 ნაწილით დაიწყო,” – ნათქვამია უწყების განცხადებაში.